Респираторлық жүйе. Мұрынға арналған препараттар. Деконгестанттар және жергілікті қолдану үшін мұрынға арналған басқа препараттар. Симпатомиметиктер, қарапайымдар. Нафазолин.

АТХ коды R01AА08

• әсер етуші затқа (заттарға) немесе қосымша заттардың кез келгеніне аса жоғары сезімталдық
•  мұрын шырышты қабығының құрғақ қабынуы.

Препаратты ауыр жүрек-қантамыр жүйесі аурулары (артериялық гипертензия, жүректің ишемиялық ауруы) кезінде, қант диабеті, гипертиреоз, феохромоцитома, бронх демікпесі кезінде аса сақтықпен қолдану керек. МАО тежегіштерін және артериялық қысымды потенциалды арттыруы мүмкін басқа препараттарды бір мезгілде қолданғанда; симпатомиметиктерге миокард сезімталдығын жоғарылататын анестетиктер қолданғанда (мысалы, галотан), сондай-ақ препаратты жүктілік немесе бала емізу кезінде қолданғанда сақ болу қажет.

Ересектер мен балаларға ұзақ қолданбаған дұрыс. Препаратты ұзақ қолдану созылмалы мұрын бітелуіне және шырышты қабықтың атрофиясына әкелуі мүмкін.

Балалар - 3-тен 15 жасқа дейінгі балаларға Нафтизин 0,05% қолдануға болады.

15 жастан асқан балаларға Нафтизин 0,1% қолдануға болады.

Нафтизин препаратын МАО тежегіштерімен, трициклді антидепрессанттармен және мапротилинмен бір мезгілде қолданғанда немесе оларды тоқтатқаннан кейін бірнеше күн бойы артериялық қысымды жоғарылатуы мүмкін.

Педиатрияда қолдану

0,1% мұрынға тамызатын дәрі 15 жастан асқан балаларға қолданылады

0,05% мұрынға тамызатын дәрі 3 жастан бастап балаларға қолданылады

Жүктілік немесе лактация кезінде

Жүктілік және лактация кезінде препаратты қолдану тек қана қатаң көрсетілімдер болған кезде мүмкін және ана үшін күтілетін емдік әсері ұрық немесе сәби үшін әлеуетті қаупінен жоғары болса ғана мүмкін болады.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып, автокөлікті немесе қауіптілігі зор механизмдерді басқару кезінде сақ болған жөн.

Дозалау режимі

Емдік мақсатта.

Ересектерге және 15 жастан асқан балаларға – әр мұрын жолына 0,05 %- 0,1 % ерітіндіні 1-3 тамшыдан. 3-тен 6 жасқа дейінгі балаларға әр мұрын жолына 0,05 % ерітіндіні 1 тамшыдан, 6-дан 15 жасқа дейінгі балаларға – 1-2 тамшыдан қолданады.

Нафтизин препаратын күніне 3 рет қолданады, бірақ 4 сағаттан жиі емес.

Нафтизин препаратын ересектерге 1 аптадан көп және балаларға 3 тәуліктен артық қолдануға болмайды. Нафтизин препаратын қайтадан бірнеше тәуліктен соң ғана қолдануға болады.

Мұрыннан қан кеткен жағдайда препараттың 0,05 % ерітіндісіне малынған тампондарды пайдалану керек.

Диагностикалық мақсатта.

Мұрын қуысын тазалағаннан кейін әр мұрын жолына 0,05 %-0,1 % ерітіндіні 3-4 тамшыдан тамызады немесе 0,05 %-0,1 % ерітіндіге малынған тампонды 1-2 минутқа енгізеді.

Дауыс байламдары ісінген жағдайда 1-2 мл препаратты көмей шприцімен бүрку керек.

Құтыны тесу үшін қақпақшасын тірелгенге дейін бұраңыз..

Артық дозалану жағдайында қабылдау қажет болатын шаралар

Артық дозалану немесе препаратты байқаусызда жұтып қою препараттың жүйелік әсер ету симптомдарымен байқалуы мүмкін: артериялық қысымның көтерілуі, тахикардия, бас ауыруы, тремор, ашушаңдық, қатты тершеңдік, жүрек қағысын сезіну, сананың бұзылуы. Цианоз, жүрек айну, жүректің тоқтауы, өкпенің ісінуі, психикалық бұзылулар, дене температурасының көтерілуі пайда болуы мүмкін. Орталық жүйке жүйесін басатын әсері келесі симптомдармен байқалады: ұйқышылдық, брадикардия, дене температурасының төмендеуі, шок жағдайы, апноэ, кома.

Кездейсоқ артық дозаланған кезде препаратты қолдануды тоқтатып және дереу дәрігерге қаралу қажет.

Емі симптоматикалық.

Дәрілік препаратты қолдану тәсілін түсіну үшін медицина қызметкерінен кеңес алу ұсыныстары

Препаратты қолдану тәсіліне қатысты күмән туындаса, емдеуші дәрігермен кеңесіңіз.

Егер емдеуден кейін жақсару басталмаса немесе симптомдар өршіп кетсе немесе жаңа симптомдар пайда болса, дәрігермен кеңесу қажет.

Препаратты тек нұсқаулықта көрсетілген көрсетілімдер бойынша қолданыңыз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Дәрілік заттың жағымсыз реакцияларының даму жиіліктерін бағалау критерийлері: өте жиі (≥1/10); жиі (≥1/100 - <1/10 дейін); жиі емес (≥1/1000 - <1/100 дейін); сирек (≥1/10000 - <1/1000 дейін); өте сирек (<1/10000), жиілігі белгісіз (реакциялардың пайда болу жиіліктерін қолда бар деректер бойынша бағалау мүмкін емес).

Нафтизин ұсынылған дозаларын сақтағанда әдетте жақсы көтерімді. Бірліжарым жағдайларда жағымсыз құбылыстары туындайды.

Сирек:

- жүрек айнуы, бас ауыруы, ашушаңдық, тремор

- тахикардия, артериялық қысымның жоғарылауы, жүрек қағуы реактивті гиперемия, қатты тершеңдік

- ашыту сезімі немесе мұрынның құрғауы

- мұрын қуысының шырышты қабатының ісінуі (7 күннен астам қолданған кезде)

- атрофиялық ринит

Өте сирек: 

- препараттың әсерін әлсіреткеннен кейін қарқынды мұрын бітелуі

Ересектерге бір аптадан астам және балаларға 3 күннен аса қолдану немесе өте жиі қолдану препаратқа дағдылануды туындатуы мүмкін, бұл оны қолданудан кейін мұрын шырышты қабығының ісінуімен қатар жүреді.

Ұзақ қолдану цилиарлық белсенділіктің бәсеңдеуіне және мұрын шырышты қабығының қайтымсыз зақымдануына, мұрын шырышты қабығының құрғап қабынуына әкелуі мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

«Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дәрілік препарат құрамы

10 мл препараттың құрамында:

белсенді зат – нафазолин нитраты - 5 мг немесе 10 мг;

қосымша заттар – бор қышқылы, тазартылған су

Дәрілік түрінің, иісінің, дәмінің сипаттамасы

Түссіз немесе аздап сарғыш мөлдір сұйықтық.

10 мл препараттан алғаш ашылуы бақыланатын қалпақшамен тығындалған, пластик тамшылатқыш-құтыларда немесе қалпақшамен тығындалған пластик тамшылатқыш-құтыларда. Құтылар медициналық қолдану жөніндегі қазақ және орыс тіліндегі нұсқаулықпен бірге құтылар саны бойынша топтық қаптамаға салынады.

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 18 ºС-ден 25 ºС-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

«DOSFARM» ЖШС, Қазақстан Республикасы, 050034, Алматы қ., Жетісу ауд., Чаплыгин к-сі, 3 үй.

тел./факс: +7 (727) 253 03 88

электронды пошта: Этот адрес электронной почты защищён от спам-ботов. У вас должен быть включен JavaScript для просмотра.

«Житофарм» ЖШС, Қазақстан Республикасы, 050035, Алматы қ., Әуезов ауд., 10 ш.а., 23 үй, 35 п. тел.: 8(727) 2760808, 8(727) 2760606, эл.пошта: Этот адрес электронной почты защищён от спам-ботов. У вас должен быть включен JavaScript для просмотра.

Қазақстан Республикасы аумағында тұтынушылардан дәрілік заттар сапасы туралы шағымдар (ұсыныстар) қабылдайтын ұйымның атауы, мекенжайы және байланыс деректері

«DOSFARM» ЖШС, Қазақстан Республикасы, 050034, Алматы қ., Жетісу ауд. Чаплыгин к-сі, 3 үй

тел.: + 7 (727) 364 84 31 е-mail: Этот адрес электронной почты защищён от спам-ботов. У вас должен быть включен JavaScript для просмотра.

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«DOSFARM» ЖШС, Қазақстан Республикасы, 050034, Алматы қ., Жетісу ауд. Чаплыгин к-сі, 3 үй. тел.: + 7 (727) 364 84 27 е-mail: Этот адрес электронной почты защищён от спам-ботов. У вас должен быть включен JavaScript для просмотра.