Оксивин-DF®

Оксиметазолин

Мұрынға арналған спрей 0,025 %, 0,05 % 10 мл

Респираторлық жүйе. Мұрынға арналған препараттар. Жергілікті қолдануға арналған деконгестанттар және басқа мұрынға арналған препараттар. Симпатомиметиктер, қарапайымдар. Оксиметазолин

АТХ коды R01AA05

Қолдануға болмайтын жағдайлар

• әсер етуші затқа немесе қосымша заттардың кез келгеніне аса жоғары сезімталдық
• атрофиялық ринит
• айқын атеросклероз
• жүректің созылмалы жеткіліксіздігі
• аритмия
• артериялық гипертензия
• созылмалы бүйрек жеткіліксіздігі
• қуықасты безінің гиперплазиясы
• моноаминооксидаза тежегіштерін бір уақытта қабылдау және оларды қолдануды аяқтағаннан кейін 14 күнге дейінгі кезең
• транссфеноидальды гипофизэктомиядан немесе қатты ми қабығына басқа хирургиялық араласудан кейінгі жағдай
• қант диабеті 
• тиреотоксикоз, гипертиреоз
• жабық бұрышты глаукома
• көздің ауыр аурулары
• феохромацитома 
• порфирия
• 1 жасқа дейінгі балалар (Оксивин-DF® 0,025% үшін)
• 6 жасқа дейінгі балалар (Оксивин-DF® 0,05% үшін)

Қолдану кезінде қажетті сақтандыру шаралары

Оксивин-DF, егер дәрігер басқаша тағайындамаса, жүректің ишемиялық ауруы, гипертония, гипертиреоз, қант диабеті немесе қуық асты безінің ұлғаюына байланысты несеп шығару проблемалары бар пациенттерде сақтықпен қолдану керек.

Ұзақ мерзімді пайдалану шамадан тыс "байланысты" жүктемеге әкелуі мүмкін.

Барлық жергілікті ісінуге қарсы дәрілер сияқты бір аптадан артық үздіксіз қолдану ұсынылмайды.

Оксивин-DF құрамындағы консервант (бензалконий хлориді) әсіресе ұзақ уақыт қолданғанда мұрын ішінің тітіркенін немесе ісінуін тудыруы мүмкін.

Африкалық ментол мен африкалық түймедақтағы пропиленгликоль теріні тітіркендіруі ықтимал.

Басқа дәрілік препараттармен өзара әрекеттесуі 

Препарат жергілікті анестезиялық дәрілердің сіңірілуін баяулатады және олардың әсерін ұзартады.

Оксивин-DF® басқа тамыр тарылтатын дәрілермен (енгізу тәсіліне қарамастан) қолданғанда жағымсыз әсерлердің өзара күшеюі мүмкін.

Моноаминоксидаза тежегіштерін (оларды тоқтатқаннан кейін 14 күн ішіндегі кезеңді қоса) және трициклді антидепрессанттарды бір мезгілде тағайындау артериялық қысымның жоғарылауына әкелуі мүмкін.

Арнайы сақтандырулар

Жүктілік және лактация кезеңі

Қолдану тәжірибесінің жеткіліксіздігіне байланысты ұсынылмайды.

Препаратты жүктілік кезінде және лактация кезеңінде қолдану ана үшін болжамды пайда бала мен шаранаға төнетін ықтимал қауіптен асып кеткен жағдайда ғана мүмкін болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Оксивин-DF® ұсынылған дозаларда көлік құралын басқару немесе механизмдермен жұмыс істеу қабілетіне әсер етпейді.

Дозалау режимі

Мұрынға арналған 0,025 % спрей 1 жастан 6 жасқа дейінгі балаларға: әрбір мұрын жолына 1 бүркуден тәулігіне 2-3 рет.

Мұрынға арналған 0,05 % спрей 6 жастан асқан балаларға және ересектерге: әрбір мұрын жолына 1 бүркуден тәулігіне 2-3 рет.

Емдеу курсы 5-7 күннен аспайды

Енгізу әдісі және жолы

Интраназальді.

Бүркуді дұрыс жасау үшін қорғағыш қалпақшаны алып тастап, ерітінді бүріккішке түсуі және шашырауы үшін пластиктен жасалған бүріккішұштықты 1 - 2 рет абайлап басу керек. Содан соң құтының қондырғысын мұрын жолына орналастырып, жылдам және бірден бүріккішті 1 рет басу және бүріккішті қыспай қондырғыны шығарып алу керек.

Қабылдау уақыты көрсетілген қолдану жиілігі

Әрбір мұрын жолына 1 бүркуден тәулігіне 2-3 рет.

Емдеу ұзақтығы

Емдеу курсы 5-7 күннен аспайды.  

Артық дозаланғанда қабылдау қажет шаралар

Симптомдары: ұсынылған дозаларды арттырғанда немесе кездейсоқ ішке қабылдағанда келесі симптомдар байқалуы мүмкін: қарашықтың тарылуы, жүрек айнуы, құсу, цианоз, температураның көтерілуі, тахикардия, аритмия, коллапс, жүрек қызметінің бәсеңдеуі, артериялық гипертензия, өкпенің ісінуі, тыныс алудың бұзылыстары. Одан өзге, психикалық бұзылыстар, сондай-ақ ұйқышылдықпен, дене температурасының төмендеуімен, брадикардиямен, артериялық гипотензиямен, тыныс алудың тоқтауымен және ықтимал команың дамуымен қатар жүретін орталық жүйке жүйесі функциясының бәсеңдеуі пайда болуы мүмкін.

Емі: дереу белсендірілген көмір (абсорбент), натрий сульфатын (іш жүргізетін дәрі) тағайындау немесе асқазанды шаю керек. Артериялық қысымды төмендету үшін селективті емес альфа-адреноблокаторлар (тұзды (физиологиялық) ерітіндіде 5 мг фентоламин баяу в/і немесе 100 мг пероральді) тағайындалады. Вазопрессорлық дәрілерді қолдануға болмайды.

Қажет болғанда ыстық түсіретін, құрысуға қарсы ем және өкпені жасанды желдету жүргізіледі.

Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар

Дәрілік препаратты қолдану тәсілінің түсіндірмесін алу үшін кеңес алу үшін медициналық қызметкерге жүгіну ұсынылған.

Оксивин-DF әдетте жақсы көтерімді, ал егер жағымсыз реакциялар пайда болса, олар әдетте орташа және өтпелі сипатта болады. Ең жиі айтылатын жағымсыз әсері мұрын шырышты қабығының жергілікті құрғауын сезіну болып табылады. Кейде аталған жергілікті әсерлер шаншуды және ашытуды сезіну болып табылады.

Бензалконий хлориді жергілікті тері реакцияларын тудыруы мүмкін. Болжамды жағымсыз реакциялар туралы хабарлама Препаратты қабылдағаннан кейін күмәнді жағымсыз әсерлер туралы хабарлау маңызды. Осылайша, дәрілік заттың пайдасы мен қаупінің арақатынасын үнемі бақылап отыруға болады.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Дәрілік препарат құрамы

1 мл препараттың құрамында

белсенді зат - оксиметазолин гидрохлориді - 0,25 мг (0,025%) немесе 0,5 мг (0,05%);

қосымша заттар: бензалконий хлориді (10 % ерітінді түрінде), натрий хлориді, натрий дигидрофосфаты дигидраты, динатрий фосфаты додекагидраты, тазартылған су

Сыртқы түрінің, иісінің, дәмінің сипаттамасы

Мөлдір, түссіз немесе сәл сарғыш ерітінді.

10 мл препараттан батпалы түтігі бар жаншылған алюминий қақпағы және қорғағыш қалпақшасы бар пластиктен жасалған бүріккіш ұштық кіретін помпалық дозалаушы құрылғымен қоңыр пластик құтыларда. Әрбір құтыға заттаңба жапсырылады. Бір құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«DOSFARM» ЖШС,

Қазақстан Республикасы, 050034, Алматы қ., Жетісу ауд., Чаплыгин к-сі, 3 ү.

тел. / факс: +7 (727) 253-03-88,

электронды пошта: This email address is being protected from spambots. You need JavaScript enabled to view it.

«DOSFARM» ЖШС,

Қазақстан Республикасы, 050034, Алматы қ., Жетісу ауд., Чаплыгин к-сі, 3 ү.

тел. / факс: +7 (727) 253-03-88,

электронды пошта: This email address is being protected from spambots. You need JavaScript enabled to view it.

«DOSFARM» ЖШС,

Қазақстан Республикасы, 050034, Алматы қ., Жетісу ауд. Чаплыгин к-сі, 3 үй

тел.: + 7 (727) 364 84 31

е-mail: This email address is being protected from spambots. You need JavaScript enabled to view it.

«DOSFARM» ЖШС,

Қазақстан Республикасы, 050034, Алматы қ., Жетісу ауд. Чаплыгин к-сі, 3 үй

тел.: + 7 (727) 364 84 27

е-mail: This email address is being protected from spambots. You need JavaScript enabled to view it.