Нафазолин-DF

Нафазолин

Мұрын спрейі 0,1%, 10 мл

Респираторлық жүйе. Мұрынға арналған препараттар. Жергілікті қолдануға арналған деконгестанттар және мұрынға арналған басқа препараттар. Симпатомиметиктер, қарапайымдар. Нафазолин.

АТХ коды R01AA08

Қолдануға болмайтын жағдайлар

• нафазолинге немесе препараттың кез келген қосымша заттарына жоғары сезімталдық
• мұрын шырышты қабығының құрғақ қабынуы
• 15 жасқа дейінгі балалар
• гипертиреоз
• созылмалы ринит
• қант диабеті
• құрғақ ринит
• артериялық гипертензия
• ишемиялық жүрек ауруы
• феохромоцитома
• тахикардия
• көздің күрделі ауруы
• айқын атеросклероз
• жабық бұрышты глаукома
• МАО тежегіштерін бір уақытта қолдану және оларды қолданғаннан кейін 14 күнге дейінгі кезең

Қолдану кезінде қажетті сақтандыру шаралары

Препаратты ұзақ қолдану созылмалы мұрын бітелуіне және шырышты қабықтың атрофиясына әкелуі мүмкін. 

Жүрек-қантамыр жүйелерінің ауыр ауруларында (артериялық гипертензия, жүректің ишемиялық ауруы), бронх демікпесінде, қант диабетінде, гипертиреозда, феохромоцитомада, МАО тежегіштерін немесе гипертензиялық әсер көрсетуі мүмкін басқа препараттарды қатар қолданғанда  препаратты аса сақтықпен қолдану керек.

Ұзақ қолдану кезінде тамыр тарылтушы әсердің айқындылығы біртіндеп төмендейді (тахифилаксия құбылысы), осыған байланысты препаратты 5 күннен асырмай қолдану ұсынылады. Ұзақ уақыт қолданған кезде мұрынның шырышты қабығының кейіннен атрофия дамуымен салдарынан төзімділік, ісіну туындауы мүмкін.

Миокардтың симпатомиметиктерге (мысалы, галотан) сезімталдығын арттыратын анестетиктерді қолдану арқылы жалпы анестезияда, сондай-ақ бронх демікпесінде сақтық қажет.

Препараттың жоғары дозаларын қолданған кезде жүрек соғуы, артериялық гипертензия, аритмия, бас ауыруы, бас айналуы, ұйқышылдық немесе ұйқысыздық сияқты жүрек-қантамыр және жүйке жүйелері тарапынан жағымсыз әсерлер дамуы мүмкін.

Басқа дәрілік препараттармен өзара әрекеттесуі 

Нафазолин-DF пероральді тағайындалған гипотензиялық дәрілердің емдік белсенділігін төмендетеді, анестетиктердің сіңірілуін баяулатады.

МАО тежегіштерімен (мысалы, бефол) және трициклдық антидепрессанттармен, мапротилинмен біріктірілімде қолданғанда немесе оларды тоқтатқаннан кейін бірнеше күн бойы артериялық қысымның күрт жоғарылау қаупі бар.

Моноаминдердің кері қармауының селективті емес тежегіштері НафазолинDF препаратының тамыр тарылтушы әсерін күшейтеді.

Арнайы сақтандырулар

Педиатрияда қолданылуы

Нафазолин-DF 15 жасқа дейінгі балаларға қолдануға болмайды.

Жүктілік немесе лактация кезінде

Препаратты жүктілік немесе емшек емізу кезінде қолдану күтілетін пайда ана мен балаға төнетін ықтимал қауіптен басым жағдайда ғана мүмкін.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емдік дозаларда қолданғанда көлік құралдарын басқару және басқа механизмдермен жұмыс істеу қабілетіне ықпал етпейді.

Дозалау режимі

Ересектерге және 15 жастан асқан балаларға күніне 2-3 рет әрбір мұрын жолына 1 бүркуден қолданады, бірақ аралығы 4 сағаттан жиі болмау керек.

Енгізу әдісі және жолы

Интраназальді.

Емдеу ұзақтығы

5 күннен артық қолданылмайды. Қайта қолданар алдында бірнеше күн үзіліс жасау қажет

Артық дозаланғанда қабылдау қажет шаралар

Препаратты артық дозалау немесе байқамай жұтып қою препараттың жүйелі әсерлерінің симптомдарымен байқалуы мүмкін: артериялық қысымның жоғаралауы, тахикардия, бас ауыруы, тремор, ашушаңдық, қатты тершеңдік, жүрек қағуын сезіну, сананың бұзылуы. Мыналар туындауы мүмкін - цианоз, жүрек айнуы, жүрек тоқтауы, өкпе ісінуі, психикалық бұзылыстар, дене температурасының көтерілуі.

Орталық жүйке жүйесіне бәсеңдетуші әсері мына симптомдармен байқалады:

- ұйқышылдық,

- брадикардия,

- дене температурасының төмендеуі,

- шок жағдайы,

- апноэ,

- кома.

Байқамай артық дозалаған жағдайда препарат қолдануды тоқтату және дереу дәрігерге қаралу керек. 

Емі симптоматикалық

Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар

Дәрілік препаратты қабылдамас бұрын дәрігерге немесе фармацевтке жүгініңіз.

Препараттың жергілікті әсерлері:

• шымылдату және мұрын қауысының құрғақтығын сезіну, реактивті гиперемия
• ұзақ қолданғанда – мұрын шырышты қабығының ісінуі - аллергиялық реакциялар, аса сирек – Квинке ісінуі.
• 1 аптадан артық қолданғанда препаратқа дағдылану туындауы мүмкін.

Ұзақ қолдану атрофиялық ринит туындатуы мүмкін.

Препараттың жүйелі әсерлері:

жүйке жүйесі тарапынан: әлсіздік, тремор, жүрек айнуы, бас ауыруы, ашушаңдық, қатты тершеңдік;

жүрек-қантамыр жүйесі тарапынан: жекелеген жағдайларда бейім пациенттерде – артериялық қысымның жоғарылауы, тахикардия, аритмия, реактивті гиперемия. тері мен оның қосымшалары тарапынан: тері жабындарының боздануы.

Шамадан тыс жиі қолдану шырышты қабықтың қарқынды ісінуімен қатар жүретін тәуелділікке әкелуі мүмкін, ол қолданғаннан кейін салыстырмалы түрде қысқа уақыт ішінде орын алады. Препаратты ұзақ қолдану шырышты қабық эпителийінің бұзылуына, цилиарлық қызметтің тежелуіне әкелуі мүмкін және шырышты қабықтың қайтымсыз зақымдануына және құрғақ риниттің дамуына әкелуі мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Дәрілік препарат құрамы

10 мл препараттың құрамында: белсенді зат – 10 мг нафазолин нитраты;

қосымша заттар – бор қышқылы, тазартылған су

Сыртқы түрінің, иісінің, дәмінің сипаттамасы

Мөлдір түссіз немесе сәл сарғыш сұйықтық. .

10 мл препараттан бүріккіш қақпағы және қорғағыш қалпақшасы бар полипропилен құтыларда. Бір құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Құтыны ашқаннан кейін препараттың жарамдылық мерзімі – 28 тәулік.

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 18°С-ден 25°С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

«DOSFARM» ЖШС,

Қазақстан Республикасы, 050034, Алматы қ., Жетісу ауд., Чаплыгин к-сі, 3 ү.

тел. / факс: +7 (727) 253-03-88,

электронды пошта: Этот адрес электронной почты защищён от спам-ботов. У вас должен быть включен JavaScript для просмотра.

«DOSFARM» ЖШС,

Қазақстан Республикасы, 050034, Алматы қ., Жетісу ауд., Чаплыгин к-сі, 3 ү.

тел. / факс: +7 (727) 253-03-88,

электронды пошта: Этот адрес электронной почты защищён от спам-ботов. У вас должен быть включен JavaScript для просмотра.

«DOSFARM» ЖШС,

Қазақстан Республикасы, 050034, Алматы қ., Жетісу ауд. Чаплыгин к-сі, 3 үй

тел.: + 7 (727) 364 84 31

е-mail: Этот адрес электронной почты защищён от спам-ботов. У вас должен быть включен JavaScript для просмотра.

«DOSFARM» ЖШС,

Қазақстан Республикасы, 050034, Алматы қ., Жетісу ауд. Чаплыгин к-сі, 3 үй

тел.: + 7 (727) 364 84 27

е-mail: Этот адрес электронной почты защищён от спам-ботов. У вас должен быть включен JavaScript для просмотра.