Альбуцид-DF^®

Сульфацетамид

Көзге тамызатын дәрі, 20 % және 30 %, 5 мл, 10 мл, 15 мл 

Сезім мүшелері. Офтальмологиялық препараттар. Микробқа қарсы препараттар.  Сульфонамидтер. Сульфацетамид.

АТХ коды  S01AВ04

Қолдануға болмайтын жағдайлар

- натрий сульфацетамидке және препараттың қосымша заттарына жоғары сезімталдық

- 2 айға дейінгі балаларға (көзге тамызатын дәрі, 20 %)

- 18 жасқа дейінгі балаларға (көзге тамызатын дәрі, 30 %).

Қолдану кезінде қажетті сақтық шаралары

Тамызу кезінде тамшылатқыш-құтылардың ұшы басқа заттармен немесе беткейлермен жанаспау керек. Тамызғаннан кейін тамшылатқыш-құтылардың қалпақшасын тығыздап жабу керек!

Фуросемидке, тиазидті диуретиктерге (гидрохлортиазидтерге), сульфонилмочевина туындыларына (глибенкламидке), карбоангидраза тежегіштеріне (диакарбқа) сезімталдығы жоғары пациенттер Альбуцид-DF^® жоғары сезімтал болуы мүмкін.

Сульфаниламидтерге ауыр реакциялардың нәтижесі ретіндегі өлімгедушар болу жағдайлары анықталған, олар Стивенс-Джонсон синдромын, уытты эпидермалық некролиз, бауырдың қауырт некрозы, агранулоцитоз, аплазиялық анемия және басқа  патологиялық қан өзгерістерді қамтыған.

Сенсибилизация сульфаниламидтер қайтадан тағайындалған жағдайда, енгізілу жолына байланыссыз көрініс беруі мүмкін. Аса жоғары сезімталдық реакциялары анамнезінде сульфаниламидтерге аса жоғары сезімталдық болмаған адамдарда тіркелген. Аса жоғары сезімталдықтың алғашқы белгілері, тері бөртпесі немесе басқа ауыр реакциялар білінген жағдайда, бұл препаратты пайдалануды тоқтату қажет.

Бактерияға қарсы жергілікті дәрілерді ұзақ уақыт пайдалану патогендік микроорганизмдердің, соның ішінде зеңдердің шамадан тыс көбеюіне, сондай-ақ, бактериялардың сульфаниламидтерге сезімтал еместігінің дамуына алып келуі мүмкін. Іріңді экссудатта парааминобензой қышқылының концентрациялары жоғары болған жағдайда, сульфаниламидтердің тиімділігі төмендейді. Сульфаниламидтерді қайтадан тағайындағанда немесе түрлі сульфаниламидтер арасындағы айқаспалы сезімталдықтың нәтижесі ретінде сенсибилизация көрініс беруі мүмкін.

Жоғары сезімталдықтың алғашқы белгілері білінген, іріңді бөліністер көбейген немесе қабыну немесе ауыру күшейген жағдайда, пациент препаратты қолдануды тоқтатуы және дәрігерге жүгінуі тиіс.

Басқа дәрілік препараттармен өзара әрекеттесуі

Альбуцид-DF^® бактериостатикалық әсері төмендейтіндіктен новокаинмен, дикаинмен, анестезинмен бірге қолданбау керек.

Дифенин, ПАСК, салицилаттар Альбуцид-DF^® уыттылығын күшейтеді; тікелей әсер етпейтін антикоагулянттармен қолданғанда соңғыларының арнайы белсенділігі артады. Альбуцид-DF^® жергілікті қолданғанда күміс тұздарымен үйлесімсіз.

Арнайы сақтандырулар

Жүктілік және лактация кезеңі

Сульфаниламидтік препараттардың офтальмологияда пайдаланылуына қатысты зерттеулер жүргізілген жоқ. Ядроның сарғаюы жаңа туған нәрестелерде жүкті әйелдің пероральді сульфаниламидтерді қабылдауының нәтижесінде туындауы мүмкін. Көзге арналған сульфаниламидтік препараттардың жүкті әйелдерге қолданылуына қатысты ешқандай талапқа сай және жақсы бақыланған зерттеулер жүргізілмеген, және жүкті әйел сульфаниламидтерді қабылдаған жағдайда, оның шаранаға зиянын тигізетін-тигізбейтіндігі белгісіз. Бұл  препаратты жүктілік кезінде тек, егер ықтимал пайдасы шарана үшін ықтимал қаупінен асып түсетін болса ғана пайдалануға болады.

Сульфаниламидтерді жүйелі енгізу аналары лактация кезеңінде сульфаниламидтерді қабылдаған жаңа туған нәрестелерде ядролық сарғаюға алып келуі мүмкін. Жаңа туған нәрестелерде ядролық сарғаюдың дамуы мүмкіндігіне байланысты, көзге тамызатын дәрі түріндегі сульфаниламидтерді бала емізетін әйелдерге тағайындау туралы шешім, қаупі/пайдасы арақатынасын ескере отырып қабылдануы тиіс.

Дәрілік заттың көлік құралын басқару немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын және қауіптілігі зор механизмдерді басқарғанда жағымсыз әсерлерін ескере отырып, препаратты абайлап қолдану керек.

Егер пациентте препаратты қолданғаннан кейін анық көруі уақытша төмендесе, ол қалпына келгенге дейін автомобиль басқару және зейін қою мен реакцияны қажет ететін қызмет түрлерімен шұғылдану ұсынылмайды.

Дозалау режимі

Ересектерге Альбуцид-DF 30 % ерітіндісін зақымданған көзге тәулігіне  5 – 6 рет (әр 4 – 5 сағат сайын) 2 – 3 тамшыдан қолдану керек.

2 айдан асқан балаларға Альбуцид-DF 20 % ерітіндісін зақымданған көзге тәулігіне  4 – 5 рет 1 – 2 тамшыдан қолдану керек.

Енгізу әдісі мен жолы

Жергілікті қолдану үшін

Емдеу ұзақтығы

Емдеу курсын дәрігер аурудың сипаты мен ауырлығына байланысты белгілейді. Орташа алғанда, емдеу курсы 7 – 10 күн.

Артық дозалану жағдайында қабылдау қажет болатын шаралар

Препаратты жиі қолданғанда қабақтардың қызаруы, қышынуы, ісінуі,   көздің шырышты қабығының елеулі тітіркенуі болуы мүмкін.

Емі: Бұл жағдайда емдеу Альбуцид-DF^® азғантай концентрациялы ерітіндісімен жалғастырылады, қажет болған жағдайда, препаратты тоқтатады және  симпоматикалық ем тағайындайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препараттың қолдану тәсілін түсіндіру үшін медицина қызметкеріне кеңес алу үшін жүгіну ұсынылды.

Өте жиі

- жергілікті тітіркену, шаншу және ашыту

Сирек

- спецификалық емес конъюнктивит, конъюнктива гиперемиясы,  екіншілік инфекцияның қосылуы және аллергиялық реакциялар

Өте сирек

- Стивенс-Джонсон синдромын, уытты эпидермалық некролизді, фульминантты гепатонекрозды қоса, сульфаниламидтерге ауыр реакциялардың дамуы салдарынан болған өлім жағдайлары

- агранулоцитоз, аплазиялық анемия және қанның басқа бұзылулары

Белгісіз

- мөлдір қабықтың бактериялық және зеңдік ойық жаралары

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Дәрілік препарат құрамы

1 мл препараттың құрамында              

белсенді зат: натрий сульфацетамиді – 0,2 г, 0,3 г              

қосымша заттар: натрий тиосульфаты, 1 М хлорсутек қышқылының ерітіндісі, инъекцияға арналған су       

Сыртқы түрінің, иісінің, дәмінің сипаттамасы

Түссіз немесе аздап сарғыш түсті мөлдір сұйықтық.

5 мл, 10 мл, 15 мл препараттан алғаш ашылуы бақыланатын қалпақшамен тығындалған пластик тамшылатқыш-құтыда немесе қақпақшамен тығындалған пластик тамшылатқыш-құтыда. Бір құтыдан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.

2 жыл

Құты ашылғаннан кейінгі препараттың қолданылу кезеңі - 10 тәулік

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 15 ºС-ден 25 ºС-ге дейінгі температурада сақтау керек

Балалардың қолы жетпейтін жерде сақтау керек!

Рецептісіз

«DOSFARM» ЖШС,

Қазақстан Республикасы, 050034, Алматы қ., Жетісу ауд., Чаплыгин к-сі, 3 ү.

тел./факс: (727) 253-03-88

электронды пошта: Этот адрес электронной почты защищён от спам-ботов. У вас должен быть включен JavaScript для просмотра.

«DOSFARM» ЖШС,

Қазақстан Республикасы, 050034, Алматы қ., Жетісу ауд., Чаплыгин к-сі, 3 ү.

тел. / факс: +7 (727) 253 03 88,

электронды пошта: Этот адрес электронной почты защищён от спам-ботов. У вас должен быть включен JavaScript для просмотра.

«DOSFARM» ЖШС,

Қазақстан Республикасы, 050034, Алматы қ., Жетісу ауд. Чаплыгин к-сі, 3 үй

тел.: + 7 (727) 364 84 31

е-mail: Этот адрес электронной почты защищён от спам-ботов. У вас должен быть включен JavaScript для просмотра.

«DOSFARM» ЖШС,

Қазақстан Республикасы, 050034, Алматы қ., Жетісу ауд. Чаплыгин к-сі, 3 үй

тел.: + 7 (727) 364 84 27

е-mail: Этот адрес электронной почты защищён от спам-ботов. У вас должен быть включен JavaScript для просмотра.